好多時我做完啲訪問，尤其是有聲有畫拍出嚟嘅嘢，我自己都會唔敢睇返。因為我知道自己一緊張就會有好多小動作、口吃、詞不達意，自己本身又有尷尬癌，總之就怕會失禮人。不過今次同Beauty exchange拍嘅呢條我真係好鍾意，自己都睇咗幾次。
要多謝BE嘅Niki、Kiukiu、Dave同華哥仔將件事計劃得咁好同將畫面拍得咁靚，我本來有少少語無倫次㗎，都係全靠佢哋剪返好。另外要多謝場地山牧季移，員工好friendly，又以朋友名義請我飲啤酒。狗妹妹Haru真係得意到癲！
我倒覺得呢次似識朋友傾計多個似訪問，全日都好輕鬆開心，希望大家睇完心情都一樣會咁好。